top of page
  • Forfatterens bildeOdelsarven

Snø og granskog



Tale om heimsleg -

snø og granskog

er heimsleg.


Frå første stund

er det vårt.

Før nokon har fortalt det,

at det er snø og granskog,

har det plass i oss -

og sidan er det der

heile heile tida.


Meterdjup fonn,

kring mørke tre

- det er for oss!

Innblanda i vår eigen ande.

Heile heile tida,

om ingen ser det,

har vi snø og granskog med.


Ja lia med snøen

og tre ved tre

så langt ein ser,

kvar vi er

vendar vi mot det.


Og har i oss ein lovnad

om å koma heim.

Koma heim,

gå borti der,

bøyge greiner,

og kjenne så det fer i ein

kva det er å vera der ein høyrer til.


Heile heile tida.

Til det er sløkt

i våre innlandshjarte.



- Tarjei Vesaas




2 kommentarer
bottom of page